Una Achenda pa iste hibierno a rebutir d’actividatz

publicado en: Sin categoría | 0

Zumba, aragonés, documentals de montanya, chimnasia de mantenimiento y frontenis plenan l’Achenda d’Artieda entre semana

 

En o diagnostico d’Empenta Artieda conoixiemos a mancanza d’actividatz entre semana en hibierno en o lugar, que fa menos atractiva la vida en Artieda. Por ixo, pa rematar con  a monotonía tanto a comarca d’a Chacetania, o Concello y o Club de montanya Peña Nabla han aprestau una ripa d’actividatz pa que no bi haiga un solo día aburriu. As actividatz son ubiertas a mas chent d’a redolada que se quiera acercar. As procheccions de documentals, l’aragonés y o frontenis son francos, pero zumba y chimnasia de mantenimiento costará 27 euros a lo trimestre.

 

 

– Os luns a las 19:00 se fará un partido de Frontenis u de pala, ubierto a totz y todas los que queratz participar. Se trata d’una actividat autochestionada por chovens d’o lugar.

– Os martis a las 19:00 a comarca ha aprestau unas clases de Zumba, emprencipiando lo 10 d’octubre.

– Os mierques a las 19:00 se fara Chimnasia de mantenimiento, actividat tamién ufierta por a comarca y que prencipiara lo chueves 11 d’octubre.

– Os chueves a las 19.30 se fará un taller d’inmersión lingüistica en aragonés, con diferents convidaus que farán charradas y tallers sobre temas diversos (cocina, software, bieras etc.). O curso empecipiará dimpués de pilars.

– Dos viernes a lo mes o club de montanya Peña Nabla prochectará un documental u pelicula sobre montanya

 

 

Pa mas información podetz escribir-nos a empenta.artieda@gmail.com. Fa alcordanza que pa conoixer tot lo que se fa en o lugar y a redolada puetz baixar-te l’App “Achenda Artieda”: