Nueva Cultura del Agua, memoria gráfica en pegatinas

publicado en: Noticias | 0

 

¡Tornan t’Artieda as charradas y tallers en aragonés! 🗣🗣👅👅

L’anyo pasau teniemos a oportunidat de contar con ueito actividatz d’immersión de toda mena en o lugar, amás de clases de luenga. Estianyo retomamos a practica d’o idioma con bells «chueves de charradas». Este chueves 21 a las 19:00 imos a contar con a presencia de Chorche Paniello, historico aragonesista de Monzón que viene a charrar-nos d’as dos zagueras publicacions que ha feito, replegando a memoria historica d’as luitas con o suyo archivo de pegallos, o mas gran de tot o estau. De una man nos charrará de «Nueva cultura de l’augua», sobre totz os conflictos d’as zagueras decadas en Aragón y o estau por a defensa d’os rios, d’otra man presentará «Carlos Azagra y Encarna Revuelta», replega d’os triballos d’estes dos debuixants pa los movimientos socials.

Vos convidamos a acudir y a cenar con nusotros dimpués en a cena autochestionada d’hamburguesas 🍔🍔🍔 (cal avisar antis d’o mierques) ¡Que vaiga bueno! 👋👋